Na X Assemblea Nacional de ICV

pronter

Bon dia. Estimats companys i companyes;

En primer lloc, abans de dirigir-vos unes paraules en Catalan amb accent gallec, fer-vos arribar la salutació del portaveu del grup parlamentari d'Alternativa Galega d'Esquerres, Xose Manuel Beiras, que no pot aquesta avui aquí doncs celebra l'assemblea de la seva formació política, Anova. (lectura do text remitgi-ho per Xose M. Beiras)

És un plaer i una satisfacció poder estar aquests dies aquí amb vosaltres compartint les reflexions i debats del vostre X congrés nacional.

Arribar la salutació fraternal d'Espazo Ecosocialista Galego, dels seus homes i dones que com vosaltres aposten per una esquerra renovadora, nacional i ecosocialista.

Ler máis...

Sacristan re-visitado

“Quen de verdade ten a palabra son os movementos potencialmente transformadores, desde as franxas revolucionarias do movemento obreiro tradicional ata as novas comunidades amigas da Terra. Só cando unhas e outras coincidan nunha nova alianza se abrirase unha perspectiva esperanzadora. Namentres, intentaremos entender o que pasa e aplanar o camiño, polo menos o que hai que percorrer coa cabeza.”

Carta da redacción Mientras Tanto, n.º 1 (1979)

 

As dinámicas nas que nos vemos inmersos fan que sexa moi necesario e recomendable abandonar alúmenos durante  48 horas o activismo frenético e facer un oco para a reflexión e o pensamento. Que pracer para as neuronas poder mergullarse unha fin de semana con INTEGRAL SACRISTAN.

Un luxo repleto de textos e entrevistas arredor do maior filósofo español despois de Ortega y Gasset, que me confirma no meu perfil italianista no social que se complementa co perfil necesariamente afrancesado no republicano.

Varias notas críticas que vos deixo:

1. A ética como elemento central do pensamento filosófico e da intervención política. Os filósofos que so interpretan o mundo, tal como denunciaba Marx, non son do noso interese. Canto se necesita dos filósofos ao fronte das direccións dos partidos para que a proposta táctica necesaria do día a día non someta á estratexia ‘utopista’. Os pensadores activos nas executivas dos partidos a principios do século XX desapareceron das mesmas a finais do século pasado, agora que estamos nunha etapa de reconstrución é necesario que volvan ao fronte da mesma.

Ler máis...

Tres encontros co Beiras

 
"Marx sementou xigantes e, pola contra, colleitou pulgas"
(a propósito dos marxistas) F. Engels


Ao calor do 40 aniversario da publicación de “O atraso económico de Galicia” vaise a celebrar en Compostela unha homenaxe popular ao seu autor, Xosé Manuel Beiras.

Como ocorre cos grandes autores a súa obra é un marco de referencia esencial para comprender o seu momento histórico e arroxar luces sobre sombras ou incertidumes, pero ao igual que lle pasou aos mesmos sempre aparecen seguidores ‘escolásticos’ que utilizan a obra como catecismo e elaboran unha ‘teoría’ doutrinaria que nada ten que ver coas ideas do autor.

Este aniversario ademais veu a coincidir cun momento de encrucillada do nacionalismo galego. Estamos, seguramente, diante do nacemento da terceira xeración do galeguismo.

A primeira estivo marcada pola reivindicación do caracter nacional de Galicia nun momento de cambio - da loita agrarias á II república - onde se estaban poñendo os piares dunha nova configuración plural e moderna do estado. A segunda, igualmente de transición da ditadura á democracia, onde o novo nacionalismo de esquerdas combinou dialecticamente os dereitos sociais coas demandas nacionais. Agora estamos no albor da terceira xeración, tamén nun momento de cambio de crise sistémica global, onde ás reivindicacións nacionais e sociais terase que incorporar dous elementos centrais nas contradicións do noso tempo: a radicalidade democrática e a defensa dos dereitos medioambientais dos seres humanos e non humanos e por extensión do planeta.

Ler máis...

vintetrés anos e cinco meses despois

23 anos e 5 meses poden ser moito ou pouco depende de como se mire.

Se chegas a Bohemia desde o que no seu tempo foi a DDR observas pequenos pero importantes cambios.

Tiven a ocasión de facer parada en Berlín antes de volver a Praha.

Berlín é desas cidades que impresiona pola súa forza, pola planificación das súas avenidas. Nela observase unha boa parte da historia da Europa do século XX. Como en substratos mantén vivo os barrios prusianos de inicios do século pasado, as construcións do III Reich ou a diagonal Karl-Marx-Alle construída desde Alexanderplatz e que vertebra o urbanismo desarrollista do antigo Berlín Este.

Os berlineses teñen sabido gardar a esencia da cidade tal cal podémola imaxinar durante ese convulso século XX, mesmo converter en reclamo turístico partes do muro ou o punto de transito (Check-Point-Charlie) entre as zonas de ocupación aliada británica, norteamericana e soviética.

Ler máis...

Empatía e responsabilidade ética


 

Recibimos información doutros seres e debemos responder a esas demandas.

Si as demandas son positivas como o son un sorriso amable, unha voz cálida, uns ollos enigmáticos ou un xesto cálido a non resposta converteríanos nun seres insensibles.

Se as demandas son negativas como un berro esixindo xustiza, unha mirada triste diante dun desastre medioambiental, unha suplica nas sombras ou unha pena interior a non resposta convértenos nuns seres cínicos.

As emocións son corpóreas, polo tanto innatas non é necesario educalas, cultivalas, racionalizalas ... basta con non castralas.

A intelixencia racional é un arma de dobre fío. Se utilizamos a razón con sensibilidade podemos agrandar a nosa empatía e a nosa proximidade; se pola contra nos deixamos levar pola ditadura da razón, polo racionalismo, nos converteremos nuns monstros capaces unicamente de relacionarnos con nos mesmos.

En todos caso esta actitude de ausencia de responder moralmente diante das demandas dos outros invalida calquera pensamento ‘ilustrado’ que sobre a ética se poida facer en base a categorías. A filosofía, entón, perdería a súa razón de ser.

Por iso, a min cada vez me interesa menos as reivindicacións en primeira persoa, individuais ou colectivas, e me atraen máis as demandas dos outros, doutras persoas e doutras especies non humanas. Estean nestas latitudes ou noutras. Esten neste mundo ou noutros.

Información adicional